Gott er að ...
... láta Franz Ferdinand næra andann og Grænan kost líkamann.

Tilvitnun póstsins: ,,Saga, þú manst strákurinn sem ég sagði þér frá, þessi í Danmörku. Hann var fyrsti strákurinn sem ég var með. Ég sagði honum upp eftir þrjár vikur því við kysstumst aldrei! Ég gat ekki hugsað mér það hann var nefninlega svo ljótur."
- Hildur Ásgeirsdóttir

Þvílíkt lyktarríki
Sæt sumarblóm, brennt bensín, nýslegið gras, rök mold, salt haf, gamall skítaáburður, dreifð lúpína, sólarvörn númer sex, arfi, grænmeti, sólbrennt hold, kolagrill, möl, fersk rigning, grillmatur, svefnpoki, notaðir fótboltaskór, ryk, klór, útsparkaður fótbolti, mosi, lindir, fjöll, nýtt timbur, hvönn, tjald, tindaloft, lauf- og barrtré.

Ég hef fengið freknur á hnén.

Á föstudaginn þjáðist ég af hnetuskorti og ákvað að fara í tíu - ellefu og fá mér salthnetur. Þetta var á leiðinni heim úr vinnu. Ég settist svo ein á bekk, (í rauðum rasslausum buxum, stórri grárri flíshettupeysu og bara öll frekar tuskuleg) las blað, át hnetur og drakk vatn úr Sappel-flösku. Framhjá mér gekk fremur smávaxinn, dökkhærður maður maður í frárenndum sumarjakka, áletruðum stuttermabol og snjáðum gallabuxum. Hann var í kringum 45-58. Honum fannst ég víst e-ð forvitnileg því eftir að hafa gengið framhjá mér tók hann U-beygju og settist hjá mér á bekkinn. Hann var erlendingur, nánara tiltekið Portúgali. Við spjölluðum saman í 20 mínútur. Ég veit ekki um hvað! Hann talaði litla sem enga ensku, bara portúgölsku. Ég reyndi að slá um mig og sagði ,,hundur" á hans máli en hann varð bara hvumsa. Það sem ég skildi þó var:

-Hann var að fara í skip klukkan fimm, en ætlaði að koma aftur klukkan sjö til að dansa.
-Honum finnst gaman að synda í sjó og ætlaði að gera það á laugardaginn klukkan sjö.
-Hitinn getur farið upp í 308 kelvin í portúgal. (fann ekki gráðutakkann)
-Maradona tengist e-ð bolnum hans.
-Hann hefur farið til Úkraínu.
-Skv. honum átti Portúgal að fara keppa á sunnudaginn. (kjáni það var á laugardegi!)
-Hann sagði "artist" í gríð og erg en neitaði því þó að vera listamaður.
-Hann vildi vita hvort ég ætti bróður. (hommi?)
-Hann vildi vita hvort ég ætlaði að sofa eða dansa þetta kvöld.

Eftir spjallið stóð ég upp og kvaddi. Hann vinkaði mér, brosti og kallaði e-a kveðju á eftir mér. Þetta var án efa eitt skemmtilegasta samtal sem ég hef átt.

Í skólagörðunum vinna með mér tvær stelpur á 19 ári. Þær eiga það til að vera svolítið hægt hugsandi. Ein spurði mig t.d. voða hissa hvort ég fengi fréttablaðið líka frítt og hélt að skátarnir væru aðeins 60 talsins. Hin vissi ekki hvaða tréflikki þetta hefði verið í myndinni Troju og þegar ég sagði henni að þetta væri hinn frægi Trojuhestur sagði hún: ,,Troju hvað? Ekki var þetta hestur? Ég var alveg viss um að þetta væri rostungur!"

Fróðleiksmoli Gunna: Heimskur er gjarnan höfuðstór.

Jói kynTRÖLL!

Skrambans! Myndinn var inni á C-drifi sem þýðir víst að hún er óbirtanleg. Þessi líka skemmtilega mynd af Jóa að bora í nefið!

Fróðleiksmoli póstsins: Nefholið er klætt húð er kallast slímhúð. Slímhúðin fær nafn sitt af því slími er klæðir yrta borð þekjunnar og vísar inn í nefholið og er það slím horið okkar. Slímið verður annars vegar til í sérstökum kirtlum er liggja undir þekjunni og opnast út á yfirborðið með útfærslugang en hinsvegar í sérstökum frumum í yfirborðsþekjunni er kallast bikarfrumur. Fyrir hverja eina bikarfrumu eru fimm eiginlegar þekjufrumur í yfirborðsþekjunni. Slímið eða horið gegnir mikilvægu hreinsi- og varnarstarfi í nefinu og er því okkur nauðsynlegt.