Ævintýri dagsins var óumdeilanlega þegar tveir brjálaðir lestarstjórar stöðvuðu lestina sína á miðjum teinunum, hoppuðu út, góluðu smá og tóku svo á rás á eftir mér og Lisu inn í nærstaddan skóg þar sem við stungum þá af.
Harmsögur Sögu
Sá sem segir sögur, stjórnar heiminum. (HOPI)
Um mig
- Nafn: Harmsaga
- Staðsetning: Reykjavík, Iceland
Ég get drukkið tvo lítra af vatni á einni og hálfri mínútu og ekki ælt.
fimmtudagur, nóvember 08, 2007
föstudagur, nóvember 02, 2007
Um daginn keyrði ég ásamt öllum skólanum í gegnum Þýskaland til Tjékklands þar sem við gengum yfir til Póllands. Í Tjékklandi brölluðum við margt og mikið t.d. fórum við í fjallahjólaferð, klifruðum í klettum, fórum á bob-sleða og í high-ropes. High-ropes er nýja uppáhaldið mitt. Ég veit ekki hvernig ég get útskýrt það svo það hljómi jafn æðislega og það er en það sameinar allt skemmtilegt eins og áhættu, lofthræðslu, adrenalín og glannaskap. En áður en gamanið gat byrjað þá þurftum við að þola 15 klukkutíma rútuferð. Lukkulega tókst mér og Pálma að ná fremstu sætunum í tveggjahæða rútunni svo við höfðum bæði útsýni og möguleikann á að breyta sætunum okkar í king-size rúm. Við höfðum sumsé allt sem til þurfti fyrir eins ánægulega 15 klukkutíma rútuferð og hugsast gat. Að einu undanskildu: Þórfríður og Unnur sátu rétt hjá okkur. Að öllu jöfnu hefði það bara gert rútuferðina enn ánægjulegri en þar sem Þórfríður var sannfærð um að þeirra sæti væru minni og þrengri en öll hin sætin (fór meira að segja í rannsóknarleiðangur með mælistiku) gat hún ekki látið það tækifæri renna sér úr greipum að nöldra í 15 klukkutíma. Telst það afrek útaf fyrir sig.
Hér er ég bæði í Póllandi og Tjékklandi á sama tíma. Magnað alveg hreint.
Ég og Bríet fyrir framan stærsta kastala í Evrópu í Prag en fyrrgetinn Jósef fór einmitt með okkur í ferðalag um borgina sína.
Frímann Gunnarsson, ég og Bríet í Prag. Þess má geta að hann er svindlari og leiðindapúki meira um það í næsta bloggi.
Prag í öllu sínu veldi. Þess má geta að ég var alein og týnd á þegar ég tók þessa mynd. Ég ætti kannski að gerast einsetuljósmyndari.
Á heimleiðinni fékk Þórfríður svo gömlu sætin okkar Pálma svo allir gátu sofið sælir glaðir og vel. Vei fyrir því. Á myndinni á má einnig sjá þær nauðsynjar sem þarf til að þola svona langrútuferð. Takið eftir nammistykkinu á myndinni (milli símans og ístesflösklunnar). Það er með hnetusmjöri og er gott og ég át rosa mörg.